Turkiyada dahshatli avtohalokatda 11 kishi halok bo‘ldi
40 ga yaqin odam jarohatlandi.
Turkiyada avtobus va bir nechta yengil avtomobil ishtirokida yo‘l-transport hodisasi sodir bo‘ldi.
Halq TV telekanali xabarida aytilishicha, yecha, 26 may kuni TAG avtomagistralida avtobus, yuk mashinalari va yengil avtomobillar ishtirokida zanjirli YTH sodir bo‘lgan. Telekanal Mersin gubernatori Ali Hamza Pehlivanga tayanib, yo‘l-transport hodisasi oqibatida 11 kishi halok bo‘lgani, kamida 38 kishi jarohatlanganini maʼlum qildi.
Adana shahridan harakatlanayotgan avtobus yomg‘irli havoda sirpanib ketib, ag‘darilib, qarama-qarshi yo‘lga chiqib ketgan. Hududga o‘t o‘chiruvchilar va tibbiyot guruhlari jo‘natilgan. Dastlabki maʼlumotlarga ko‘ra, jabrlanganlarning ayrimlarining ahvoli og‘ir.
Turkiya Adliya vaziri Yilmaz Tunch baxtsiz hodisaga izoh berdi va halok bo‘lganlarning oila aʼzolariga hamdardlik bildirdi. Vazir ish har tomonlama chuqur o‘rganilishi va tergovni 3 nafar prokuror olib borishini qo‘shimcha qildi.
