Isroil razvedka xizmatlari Xalqaro jinoiy sud prokurori Karim Xonni kuzatgan
Isroil Haagadagi Xalqaro jinoiy sud ishiga muntazam ravishda aralashishga uringan.
"Gap Gaagadagi Xalqaro jinoiy sud xodimlarini keng miqyosda kuzatish va Isroil xavfsizlik kuchlarining Falastin hududidagi xatti-harakatlarini tergov qilishga xalaqit berish maqsadida uning ishiga aralashishga urinishlar haqida ketmoqda", — deyiladi Buyuk Britaniyaning The Guardian, Isroilning “Siha Mekomit” va +972 nashrlarining qo‘shma surishtiruvida.
Jurnalistlarning so‘zlariga ko‘ra, kuzatuv nishonlari orasida Xalqaro jinoiy sudning amaldagi prokurori Karim Xon ham bo‘lib, u Gaagadagi suddan Isroil bosh vaziri Binyamin Netanyaxu va mamlakat mudofaa vaziri Yoav Galantni G‘azoda sodir etilgan urush jinoyatlari bilan bog‘liq ayblovlar bilan hibsga olishga order berishni so‘ragan.
Hisobotda yozilishicha, Isroil deyarli o‘n yildan beri sudga qarshi yashirin “urush” olib bormoqda. Bu nafaqat kuzatuv, balki xakerlik hujumlarini ham o‘z ichiga olgan.
"Karim Xon bir necha oy davomida kuzatilgan, bu esa bosh vazir Netanyahuga uning harakatlarini oldindan bilish imkonini bergan. Xonning Isroil maxsus xizmatlari tomonidan kuzatilgan yozishmalaridan uning bir muncha vaqt oldin Isroil rahbarlarini hibsga olish uchun order berishni so‘ramoqchi bo‘lganligi aniqlangan, ammo bu qaror Qo‘shma Shtatlar tomonidan kuchli bosim ostida bo‘lgan", deyiladi hisobotda.
