Rossiyada 63 yoshli erkak yashin urishi oqibatida vafot etdi
Favqulodda hodisa joyida mutaxassislar tekshiruv ishlarini olib borishmoqda.
Moskavada soyabon bilan ko‘chada yurgan 63 yoshli erkakni yashin urdi. U voqea joyida vafot etgan. Xabar berilishicha, Moskva yaqinidagi Balashixa shahrida soyabon bilan o‘tib ketayotgan pensionerni yashin urgan. Oqibatda, u vafot etgan. Ma’lumotlarga ko‘ra, holat soat 19:00 atrofida sodir bo‘lgan.
"1961 yilda tug‘ilgan erkakni chaqmoq urdi. Voqea joyiga tez tibbiy yordam brigadasi yetib kelgan, biroq reanimatsiya harakatlari yordam bermagan. Sud-tibbiyot ekspertlari jasadni ko‘zdan kechirmoqda. Erkakning soyaboniga yashin urilgani aniqlandi", — deyiladi xabarda.
Huquq-tartibot idoralari vakillarining so‘zlariga ko‘ra, erkakning tanasida kuyishlar va elektr izlari topilgan. Favqulodda hodisa joyida mutaxassislar ishlamoqda. Tekshiruv ishlari olib borilayotganini Moskva viloyati Tergov qo‘mitasining Bosh tergov boshqarmasi ma’lum qildi.
