Qozog‘istonda chigirtkalar tarvuz plantatsiyalarini vayron qildi
Ularni tutun ham, kimyoviy moddalari ham to‘xtata olmayapti.
Qozog‘iston hukumati bir necha kundan beri chigirtkalar to‘dasini to‘xtatishga urinmoqda. Bu yil hasharotlar bosqini misli ko‘rilmagan darajaga chiqdi. Ular sabab o‘n minglab gektar maydonda ekinlar vayron bo‘ldi.
Aqto‘be, Qo‘stanay va Turkiston viloyatlari dehqonchilikda eng ko‘p zarar ko‘rdi. Bayto‘g‘ay qishlog‘i yaqinidagi tarvuz plantatsiyalarida chigirtkalar bir necha soat ichida pishgan mahsulotlarni yeb, pishmaganlarini qoldirib ketishdi.
Hasharotlarni tutun ham, kimyoviy moddalari ham to‘xtata olmayapti.
