Keniyada soliqlarning oshishiga qarshi namoyishlarda 23 kishi halok bo‘ldi
Mamlakatda favqulodda holat eʼlon qilingan.
Reuters agentligining xabar berishicha, tartibsizliklar oqibatida kamida 23 kishi halok bo‘ldi va 50 ga yaqin odam yaralandi. Suv purkagichlar va ko‘zdan yosh oqizuvchi gazlardan foydalanish muvaffaqiyatsizlikka uchragach, politsiya rezina o‘qlarni otishni boshlagan. Politsiyaga yordam kuchi sifatida harbiylar yuborildi.
Soliqlarni oshirish to‘g‘risidagi qonun loyihasi parlament binosiga olomonning bostirib kirayotgan vaqtda, milliy parlament tomonidan uchinchi o‘qishda qabul qilindi. Ovoz berishdan so‘ng deputatlar yer osti tunneli orqali olib chiqildi. Keniya prezidenti Uilyam Ruto soliq muhokamasi haqida gapirar ekan:
"O‘zini tinch namoyishchilar sifatida ko‘rsatayotgan jinoyatchilarning xalqni qo‘rqitayotganini qabul qilish mumkin emas va hatto aqlga sig‘maydi", — deya taʼkidladi.
Maʼlumotlarga ko‘ra, Covid pandemiyasi, Ukrainadagi urush, ikki yillik qurg‘oqchilik va mahalliy valyutaning qadrsizlanishi natijasida yuzaga kelgan bir qator iqtisodiy zarbalar tufayli mamlakat hukumati soliqlarni oshirgan.
