Parkentda 5 ta mashina avariyaga uchradi
Hodisaga haydovchining oraliq masofani saqlamagani sabab bo‘lgan.
Toshkent viloyatining Perkent tumanida 5 ta avtomashina ishtirokida yo‘l-transport hodisasi sodir bo‘ldi.
Rasmiy xabarga ko‘ra, to‘qnashuv 22 iyun kuni soat 11:30 larda “Qiziltog‘-Parkent-Yangibozor” avtomobil yo‘lida sodir bo‘lgan.
24 yoshli haydovchi Kamaz rusumli yuk mashinasini boshqarib kelayotib, oraliq masofani saqlamaganligi va harakat tezligini nazorat qila olmaganligi sababli o‘zi bilan bir yo‘nalishda bo‘lgan 2 ta Cobalt, Spark va Lasetti rusumli transport vositalariga borib urilgan.
Ushbu yo‘l transport hodisasi natijasida tan jarohati olgan fuqarolar yo‘q.
Hozirda holat yuzasidan Parkent tumani IIB Yo‘l harakati xavfsizligi bo‘limi tomonidan surishtiruv ishlari olib borilmoqda.
