Britaniyada 14 yildan buyon ilk bor hukumat o‘zgarmoqda
Konservatorlar o‘rnini leyboristlar egallaydi: Rishi Sunak o‘rniga Kir Starmer yangi bosh vazir bo‘ladi.
BBC, ITV va Sky News telekanallari tomonidan eʼlon qilingan ekzit-poll natijalariga ko‘ra, Leyboristlar 650 o‘rinli parlamentda mutlaq ko‘pchilik — 410 o‘rinni egalladi, Torilar (konservatorlar) fraksiyasi esa 131 deputatlik mandatiga ega bo‘lgan.
Shuningdek, Liberal-demokratik partiya 61 ta o‘rinni qo‘lga kiritgan bo‘lsa, o‘ng qanot populist “Reforma” partiyasi esa 13 ta deputatlik o‘rniga ega.
Parlament saylovlarining yakuniy rasmiy natijalari tez orada eʼlon qilinishi kutilmoqda. Shundan so‘ng saylovlarda mag‘lubiyatga uchragan konservatorlar partiyasidan bo‘lgan bosh vazir Rishi Sunak qirol Charlz III ga mamlakat hukumati o‘zgarishi haqida xabar beradi.
Britaniyada 14 yildan buyon ilk bor hukumat o‘zgaradi, konservatorlar o‘rnini leyboristlar egallaydi, Rishi Sunak o‘rniga Kir Starmer yangi bosh vazir bo‘ladi.
