“AQSH xalqi birdam bo‘lishi kerak”
Bayden Trampga uyushtirilgan suiqasd bo‘yicha matbuot anjumani o‘tkazdi.
Unda aytilishicha, Trampga qilingan suiqasd bo‘yicha tergov jarayoni tez, ammo puxta bo‘ladi. Bayden AQSH Maxfiy xizmatiga Trampning xavfsizligini to‘liq taʼminlash bo‘yicha topshiriq bergan.
“AQSH xalqi birdam bo‘lishi kerak. Trampga qilingan suiqasdning sabablari hali aniqlanmadi, vaziyatga oydinlik kiritilgunga qadar bu mavzuda turli taxminlar qilmaganimiz yaxshi”, degan mamlakat rahbari.
Qo‘shimcha qilinishicha, maxfiy xizmat direktoriga Respublikachilar partiyasining bo‘lajak qurultoyida barcha xavfsizlik choralarini qayta ko‘rib chiqish topshirilgan.
