Litseylarga kirish imtihonlari qachon boshlanishi aytildi
Oliy taʼlim vazirligi bu bo‘yicha maʼlumot berdi.
Kirish test sinovlari 25–26 iyul kunlari Bilim va malakalarni baholash agentligi tomonidan maxsus belgilangan hududlarda ikki smenada o‘tkaziladi.
Imtihonlar 25 iyul kuni 1 smenada o‘tkazilib, soat 15:00 da boshlanadi. 26 iyul kuni esa 2 smenada o‘tkazilib, 9:00 da hamda 15:00 da boshlanadi.
Akademik litseylarga hujjat topshirgan abituriyentlar test sinovlariga kirish ruxsatnomasini my.edu.uz saytidagi shaxsiy kabinetiga o‘zining login va paroli bilan kirgan holda yuklab olishi yoki bevosita hujjat topshirgan akademik litseydan borib olishi mumkin.
Abituriyentlardan test sinovi o‘tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so‘ralgan.
