Seul KXDRni yana chiqindi sharlarini uchirishda aybladi
Bu haqida Janubiy Koreya bosh shtablari boshliqlari qo‘mitasi maʼlum qildi.
Shimoliy Koreya Janubiy Koreya bilan chegaradan yana chiqindi sharlarini uchirdi. Janubiy Koreya harbiylarining qo‘shimcha qilishicha, sharlar Kyongido provinsiyasi tomon harakatlangan. Ular aholini qulagan narsalarga tegmaslikka, huquq-tartibot idoralari yoki harbiylarga xabar berishga chaqirgan.
Ikki kun avval Seul Shimoliy Koreya chegarasi bo‘ylab karnaylar orqali xalqaro yangiliklar, demokratiya va kapitalizm haqidagi maʼlumotlar hamda K-pop musiqalarini eshittirishni qayta boshladi. Janubiy Koreya tomoni bu qadamni Pxenyanning havo sharlari yordamida amalga oshirayotgan "yovuz, sharmandali va qo‘pol" harakatlariga munosabat sifatida izohladi.
