Ukraina Rossiya bilan muloqotga tayyorgarlik ko‘rmoqda
Bu haqida Ukraina tashqi ishlar vaziri maʼlum qildi.
“Ukraina Rossiya bilan muloqot va muzokaralarda ishtirok etishni istaydi va ularga tayyorgarlik ko‘rmoqda. Muzokaralar oqilona va mazmunli bo‘lishi, adolatli va mustahkam tinchlikka erishishga qaratilgan bo‘lishi kerak”, — dedi Dmitriy Kuleba Guanchjouda Xitoy tashqi ishlar vaziri Van I bilan muzokaralar chog‘ida.
Uchrashuv uch soatdan ortiq davom etgan.
“Tomonlar nafaqat ikki tomonlama munosabatlarni, balki tinchlik rejasini ham muhokama qilgan”, — deyiladi mahalliy nashr xabarida.
Maʼlumot uchun, Kulebaning Xitoyga tashrifi 26 iyulga qadar davom etadi.
