Isroil nazoratidagi qishloqqa raketa hujumi uyushtirildi
Shu sabab Netanyaxu AQSHga safarini erta yakunladi.
Isroil Tashqi ishlar vazirligining xabar berishicha, Livanning “Hizbulloh” guruhi tomonidan otilgan raketa Isroil nazorati ostidagi Golan tepaliklari hududidagi Majdal Shams qishlog‘idagi futbol maydoniga kelib tushgan.
"Raketa hujumi oqibatida to‘qqiz nafar odam halok bo‘ldi, kamida 30 kishi jarohatlangan. Raketa hujumi bolalar o‘rtasida futboli o‘yini o‘tkazilayotgan vaqtda sodir etildi. Isroil hujum uchun Livan va Hizbullohni masʼul deb biladi, bunga javob juda qattiq bo‘ladi", — deyiladi vazirlik bayonotida.
Binyamin Netanyaxu Golan tepaliklariga raketa zarbasi tutilganidan so‘ng, AQSHga tashrifini muddatidan oldin to‘xtatib, Isroilga qaytishga qaror qildi.
