Toshkent aeroportida 40 ta iPhone to‘xtatib qolindi
O‘zbekistonlik fuqaro uni noqonuniy olib kirmoqchi bo‘lgan.
Islom Karimov nomidagi Toshkent xalqaro aeroportida o‘zbekistonlikning chamadonida noqonuniy telefon va tillalar borligi aniqlandi. Bu haqida “Toshkent-AERO” matbuot xizmati xabar berdi.
Maʼlum qilinishicha, 2024 yil 7 avgust kuni chegara-bojxona posti xodimlari tomonidan “Dubay-Toshkent” yo‘nalishi bo‘yicha uchib kelgan o‘zbekistonlik chamadoni tegishli tartibda tekshirilgan.
Yuklar ichida bojxona nazoratiga belgilangan tartibda taqdim etilmagan jami 40 dona o‘z ishlab chiqarish qadog‘iga va aksessuarlariga ega bo‘lgan yangi iPhone 15 pro max, iPhone 15 pro, iPhone 15 plus hamda iPhone 11 telefon, shuningdek, 171.57 gramm sariq metalldan yasalgan zargarlik buyumlari aniqlangan. Ularning qiymati salkam 605 million so‘mni tashkil qiladi.
Hozirda holat yuzasidan surishtiruv harakatlari olib borilmoqda.
