Shols Germaniya hukumatining Ukrainaga yordamni qisqartirish qarorini himoya qildi
Germaniya kansleri G7 mamlakatlari Kiyevga G‘arbda muzlatib qo‘yilgan Rossiya aktivlari garovi ostida 50 milliard dollar miqdorida kredit ajratishga rozi bo‘lganiga eʼtibor qaratdi.
"Hozirda yakuniy texnik tafsilotlar ishlab chiqilmoqda. Umid qilamizki, bu jarayonni juda qisqa vaqt ichida yakunlaymiz", — deya taʼkidladi Shols.
Avvalroq 2025-yil uchun Germaniya byudjetida Kiyevga yordam berish uchun 4 milliard yevro ajratish rejalashtirilgani maʼlum bo‘lgan edi. Bu joriy yildagidan ikki barobar ko‘p miqdor hisoblanadi. 2026 yildan boshlab esa Germaniya hukumati davlat xarajatlarining ushbu bandini butunlay olib tashlamoqchi. Berlin bunga byudjet taqchilligi tahdidi va Ukrainani qo‘llab-quvvatlash uchun byudjet mablag‘larini sarflashni to‘xtatishni talab qiluvchi o‘ng va so‘l populist kuchlarning ortib borayotgan mavqeyini sabab sifatida ko‘rsatmoqda.
Hukmron koalitsiya kelajakda Rossiyaning muzlatilgan aktivlaridan keladigan daromad orqali Ukrainaga yordam berishni rejalashtirmoqda.
