Anqarani suv bosdi
Baʼzi joylarda ish jarayonlari to‘xtab qolgan.
Kuchli yog‘ingarchilik oqibatida Turkiya poytaxti Anqara shahrini suv bosdi.
Yerosti yo‘llari, ko‘plab katta va kichik ko‘chalar, ayrim uylarning birinchi qavatlari va do‘konlar, transport vositalari suvga to‘lgan.
25 avgust sanasida kunning o‘rtasida boshlangan yomg‘ir poytaxt hayotini izdan chiqarib yubordi. Chankaya, Chubuk, Akyurt, Qahramankazan, Pursaklar, Kechioren, Etimesgut, Yenimahalle, Sinkan, Gyolbashi va Mamak tumanlarida barcha ish jarayonlari to‘xtab qolgan.
“Ayrim haydovchilar tiqinlarda zo‘rg‘a harakatlangan bo‘lsa, ayrim mashinalar suvdan chiqolmay qolib ketgan”,– deyiladi xabarda.
Mahalliy kommunalchilar suvni ketkazish uchun bitib qolgan panjaralarni ochishga jalb etilgan.
