Qozog'istonda kuydirgi aniqlandi
Olmaota viloyatidagi qishloq karantinga olindi.
1-sentyabr kuni Uyg‘ur tumanidagi Ulken Aksu qishloq okrugida kuydirgi kasalligi shubhasi bilan to‘rtta holat aniqlangan. Infeksiya yuqishiga hayvon so‘yish paytida veterinariya nazoratiga amal qilinmagani sabab bo‘lgan bo‘lishi mumkin.
“Shuni ta’kidlash kerakki, kuydirgi kasalligi odamdan odamga yuqmaydi. Kasallikning asosiy manbai qishloq xo‘jaligi hayvonlari (qoramol, ot, qo‘y, echki), shuningdek, uzoq vaqt davomida iflos tuproqda saqlanib qolgan sporalar bo‘lishi mumkin”, deyiladi viloyat hokimligi xabarida.
Ta’kidlanishicha, kasallikning sabablarini aniqlash uchun veterinariya inspeksiyasi va Olmaota viloyati hokimligi bilan birgalikda qishloq aholisining uyida xomashyo va go‘sht mahsulotlarining, shuningdek, hayvonlar so‘yilgan joydagi tuproq namunalari olingan.
