“Inbazar”ning zo‘ravon xodimi qamaldi
Bugun unga nisbatan sud qarori chiqarildi.
Avvalroq Toshkent shahrining Sergeli tumanida joylashgan Inbazar savdo markazi filialida xodim do‘konning boshqa bir vakili tomonidan kaltaklangani xabar qilingandi.
Bugun, 16 sentyabr kuni mazkur voqea jinoyat ishlari bo‘yicha Sergeli tumani sudida Maʼmuriy javobgarlik to‘g‘risidagi kodeks asosida ko‘rib chiqildi.
Sud qarori bilan xodimni kaltaklagan savdo markazi vakili Maʼmuriy javobgarlik to‘g‘risidagi kodeksning 183-moddasida nazarda tutilgan huquqbuzarlikni sodir qilganlikda aybli deb topildi va unga 7 sutka maʼmuriy qamoq jazosi tayinlandi.
Shuningdek, “samosud”ni tasvirga olgan yana bir xodim ham Maʼmuriy javobgarlik to‘g‘risidagi kodeksning 183-moddasida nazarda tutilgan huquqbuzarlikni sodir qilganlikda aybli deb topilib, 5 sutkaga qamaldi.
