Yevgeniy Prigojin G‘arb banklari orqali yashirincha pul o‘tkazgan
Bu haqida Financial Times nashri maʼlum qildi.
Vashingtondagi Ilg‘or mudofaa tadqiqotlari markazi tomonidan olingan maxfiy hujjatlarning sizib chiqishidan maʼlum bo‘lishicha, Prigojin Afrikadagi biznesi doirasida to‘lovlar uchun Amerikaning JPMorgan Chase banki va Buyuk Britaniyaning HSBC bankidan foydalangan.
Yevgeniy Prigojin 2016 yildan, “Vagner CHVK” tuzilmasi esa 2017 yildan beri AQSH sanksiyalari ostida. Financial Times nashriga ko‘ra, banklar to‘lovlarning kelib chiqishi haqida bilishganligi haqida hech qanday dalil yo‘q.
Eslatib o‘tamiz, Prigojin tuzilmalari Afrikaning bir nechta davlatida faoliyat yuritgan.
