Toshkentda o‘g‘lini tilanchilikka yollagan ota qamaldi
Shuningdek, unga nisbatan jarima jazosi tayinlangan.
Toshkent shahrining Sergeli tumanida tilanchilik uchun o‘zining 10 yoshli o‘g‘lidan foydalangan erkak qamaldi. Bu haqida poytaxt IIBB xabar bermoqda.
Qayd etilishicha, erkak o‘zining o‘n yoshli farzandini ko‘chaga tilanchilik uchun chiqarib, kuzatib turgan vaqtida xodimlar tomonidan ichki ishlar bo‘limiga olib ketilgan.
“O‘g‘lim tilanchilik qilgan. Holat boshqa takrorlanmaydi”, deydi ota.
Ushbu shaxsga nisbatan Jinoyat ishlari bo‘yicha Sergeli tuman sudi tomonidan o‘n sutka maʼmuriy qamoq jazosi, BHMning bir barobari miqdorida jarima jazosi tayinlandi.
