AQSH yana bir to‘fon xavfi ostida
Shamolning tezligi soatiga 287 kilometrga yetadi.
AQSHning Florida shtatiga yaqinlashib kelayotgan “Milton” to‘foni kuchayib, Saffir-Simpson shkalasi bo‘yicha maksimal beshinchi darajaga yetdi. Bu haqida AQSH Milliy to‘fonlarni o‘rganish markazi xabar bergan.
Milton sharqqa 14,5 km/soat tezlikda harakatlanmoqda. Shamolning tezligi soatiga 287 kilometrga yetadi.
Meteorologlar dovulning Florida sohillari uchun halokatli oqibatlar keltirishi mumkinligi haqida ogohlantirmoqda. 9 oktyabr kuni bo‘ron Fors ko‘rfazi sohilidagi aholi zich joylashgan Tampa (Florida) shahriga to‘liq kuchi bilan zarba berishi kutilmoqda.
