Yevropa Ittifoqi WhatsApp‘da chat nazoratini joriy qilishni rejalashtirmoqda
Bugun bu bo‘yicha qonun loyihasi muhokama qilinadi.
Yevropa Ittifoqi vazirlari bugun WhatsApp, iMessage va Signal kabi messenjerlardagi xabarlarni noqonuniy kontent mavjudligini tekshirish yuzasidan majburiy skanerlashni joriy qiluvchi qonun loyihasini muhokama qiladi. Bundan ko‘zlangan maqsad — bolalarga nisbatan jinsiy jinoyatlarga qarshi kurashish.
Mutaxassislarning taʼkidlashicha, qonun loyihasida skanerlash qanday amalga oshirilishi aniq ko‘rsatilmagan. Mutaxassislar taklif etilayotgan chora-tadbirlar amalda yozishmalarning maxfiylik shartlarini buzmasligiga shubha bildirmoqda.
"Bunday jinoyatlarga qarshi kurash yana xavfsiz onlayn aloqaga hujum qilish uchun bahona bo‘lib xizmat qilmoqda", — deya fikr bildirdi Potsdamdagi Hasso Plattner institutining kiberxavfsizlik professori Anya Leman.
Niderlandiya buni inson huquqlarining buzilishi sifatida baholab, ushbu qarorning qabul qilinishiga rozi emasligini eʼlon qilgan. Qonun loyihasiga qarshi chiqqanlar orasida Germaniya ham bor.
