Portugaliya gumanitar vizalar berishni boshlamoqchi
U o‘z vatanida taʼqibga uchragan odamlarga siyosiy boshpana olish imkonini beradi.
Gumanitar vizani yaratish haqidagi qonun loyihasi Portugaliya parlamenti tomonidan tasdiqlandi. Bu qonun o‘z vatanida taʼqibga uchragan odamlarga Portugaliyaga alohida viza uchun ariza berish va kelganida mamlakatda siyosiy boshpana olish imkonini beradi. Gumanitar vizalar berish bilan bog‘liq barcha tartib-qoidalar Konstitutsiyaviy ishlar qo‘mitasi tomonidan ishlab chiqiladi.
Qonun loyihasini ilgari surgan “Liberal tashabbus” partiyasi siyosiy sabablarga ko‘ra taʼqibga uchragan odamlar “xavf-xatarlar mavjud sharoitda” uylariga qaytgandan ko‘ra, istalgan mamlakatdagi Portugaliya elchixonasida viza olishlarini taʼminlash to‘g‘ri deb hisoblaydi.
Partiya aʼzosi Pavel Elizarovning maʼlum qilishicha, siyosiy sabablarga ko‘ra mamlakatdan chiqib ketishga majbur bo‘lgan rossiyaliklar ham Portugaliyaga gumanitar viza olish uchun murojaat qilishlari mumkin.
