Toshkentdagi zapravkada 2,7 mlrd so‘mlik gaz o‘g‘irlandi
Hozirda holat yuzasidan jinoiy ish ochilgan.
Iqtisodiy jinoyatlarga qarshi kurashish departamentning Yunusobod tumani bo‘limi “Hududgaz poytaxt” gaz taʼminoti filiali xodimlari bilan hamkorlikda tergovga qadar tadbir o‘tkazgan.
Unda “B.” MCHJ rahbari T.A. va boshqalar MCHJga qarashli avtomobillarga gaz to‘ldirish shoxobchasida o‘rnatilgan gaz hisoblagichga tashqi taʼsir o‘tkazilib, jami 1,5 mln kub metr tabiiy gazni o‘g‘irlab, davlat va jamiyat manfaatlariga 2,7 mlrd so‘m zarar yetkazganliklari aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
