AQSH Rossiya va Xitoy kompaniyalariga sanksiyalar kiritdi
Ular dronlarni birgalikda ishlab chiqargan.
Qo‘shma Shtatlar kecha Xitoy va Rossiyaning uchta kompaniyasi va bir shaxsga qarshi “Garpiya” hujumchi dronlarini birgalikda ishlab chiqargani uchun sanksiyalar eʼlon qildi.
“Garpiya” Xitoy Xalq Respublikasi mutaxassislari tomonidan ishlab chiqilgan bo‘lib, Rossiya mudofaa kompaniyalari bilan hamkorlikda Xitoydagi zavodlarda ishlab chiqariladi, so‘ng dronlar Ukrainaga qarshi foydalanish uchun Rossiyaga yetkaziladi.
Quyidagilarga nisbatan sanksiyalar joriy etildi:
— Ijevskda joylashgan va “Almaz-Antey” konserni tarkibiga kiruvchi “Kupol” rus zavodi;
— Xitoyning Xiamen Limbach Aircraft Engine va Redlepus Vector Industry Shenzhen kompaniyalari;
— Rossiyaning “TSK Vektor” kompaniyasining bosh direktori Artem Yamщikov (AQSH maʼlumotlariga ko‘ra, Xitoyda ishlab chiqarilgan dronlarni import qiladi, Xitoy kompaniyalari va “Kupol” o‘rtasida vositachi bo‘lib xizmat qiladi.
