Agar Rossiyaga qaytsam, prezidentlikka nomzod sifatida qatnashaman — Yuliya Navalnaya
Uning so‘zlariga ko‘ra, Aleksey Navalniyning Rossiya koloniyasida vafot etishidan bir kun oldin unga erining yaqinda ozod etilishi aytilgan.
22 oktyabr kuni Aleksey Navalniyning “Patriot” kitobi bir vaqtning o‘zida 26 tilda, jumladan, rus tilida ham nashr etiladi. Bu siyosatchining avtobiografiyasi va uning 2021 yil yanvar oyida Sheremetevo aeroportida hibsga olinganidan keyin qamoqxonada yozgan kundaliklarining jamlanmasidir. Navalniy bu kundaliklarni 2024 yil 16 fevralda Xarp qishlog‘idagi koloniyada vafot etguniga qadar yozgan. Kitob chiqishi arafasida uning rafiqasi Yuliya Navalnaya BBC‘ga intervyu berdi.
Navalnaya turmush o‘rtog‘ini yo‘qotish qayg‘usini yengishda unga nima yordam berayotganini, kelajagini qanday ko‘rishini aytdi va vataniga qaytgach, Rossiya prezidentligiga nomzodini qo‘yish rejasini maʼlum qildi.
"Men Putinning Rossiya “podshohligi”dan rus qamoqxonasining oddiy mahbusiga aylanishini istayman", — dedi Yuliya Navalnaya intervyuda.
Uning so‘zlariga ko‘ra, Aleksey Navalniyning Rossiya koloniyasida vafot etishidan bir kun oldin unga erining yaqinda ozod etilishi aytilgan: "Men Putin bilan muzokaralar olib borilganida, u doimo yolg‘on gapirayotganini bilaman. Biz almashinuvga juda yaqin ekanligimizni ham, lekin hammasi bir kunda o‘zgarishi mumkinligini ham bilardim".
