Turkmaniston Rossiyaga gaz yetkazib berishni to‘xtatdi
Tomonlar narx masalasida kelisha olmagan.
“Turkmangaz” “Gazprom” bilan gaz yetkazib berish bo‘yicha shartnomani uzaytirmadi. Tomonlar yoqilg‘ining yangi narxi bo‘yicha kelisha olmagan.
“Shartnoma shartlariga muvofiq, 30 iyun sanasigacha narxlarni qayta ko‘rib chiqish nazarda tutilgandi. Agar tomonlar narx bo‘yicha kelishuvga erishsa, shartnomani uzaytirish imkoni bor edi. Biz muzokaralar olib bordik, ammo tijorat masalasida umumiy kelishuvga erisha olmadik”, deya taʼkidlagan Maqsad Babayev.
“Turkmengaz» rahbarining qo‘shimcha qilishicha, taʼminotni boshlash, qayta tiklash yoki to‘xtatishning asosiy sharti shartnomaning tijorat qismidir.
Eslatib o‘tamiz, “Gazprom” 2019 yilda “Turkmengaz” bilan besh yil muddatga — 2024 yil 30 iyungacha tabiiy gaz sotib olish bo‘yicha shartnoma tuzgandi. Unga ko‘ra, Turkmanistondan “Gazprom”ga yiliga 5,5 milliard kub metr gaz yetkazib berilishi kerak bo‘lgan.
