Gruziya prezidenti saylovlarni tan olmaydi
Shuningdek, prezident Salome Zurabishvili xalqni ommaviy namoyishlarga chiqishga chaqirdi.
“Bu sizning ovozlaringizni butunlay soxtalashtirish va musodara qilish edi. Biz turli mamlakatlarda ko‘rgan barcha usullar qo‘llandi”, — dedi u.
Bir kun oldin bo‘lib o‘tgan ovoz berishdan keyingi birinchi murojaatida Zurabishvili, uning fikricha, Rossiya aloqador bo‘lgan qonunbuzarliklarni taʼkidlagan.
“Biz xalqimiz va mamlakatimizga qarshi gibrid urushning yangi shakllaridan biri bo‘lgan Rossiya maxsus operatsiyasining guvohi va qurboniga aylandik”, — deya qo‘shimcha qilgan prezident.
Uning taʼkidlashicha, “ushbu saylovlarni tan olish Rossiyaning mamlakatga kelishini, Gruziyaning Rossiyaga bo‘ysunishini tan olish bilan barobardir”. Prezident saylov natijalaridan norozi bo‘lgan barchani Tbilisidagi Rustaveli prospektida 28 oktyabr kuni kechqurun o‘tkazilishi rejalashtirilgan norozilik aksiyasida ishtirok etishga chaqirgan.
