“Ukraina Rossiya bilan kelishuv imkoniyatini boy berdi”
Lavrov bunday imkoniyat uch marta bo‘lganini aytdi.
Rossiya tashqi ishlar vaziriga ko‘ra, Kiyev 2014 yilda Qrim bilan birga o‘zining birinchi imkoniyatini qo‘ldan boy berdi. Keyin 2015 yil fevralida Donbassdagi vaziyatni tartibga soluvchi Minsk kelishuvlari imzolandi. Uchinchi imkoniyat 2022 yil aprel oyidagi Istanbul kelishuvlari bo‘lgan.
Lavrov, shuningdek, Kiyev kelishuvlarni qanchalik uzoq buzsa, uning hududi shunchalik kamayishini gapirgan.
Uning qo‘shimcha qilishicha, Ukraina prezidenti Vladimir Zelenskiy Moskva bilan muzokaralarni taqiqlovchi farmonni imzolagani Turkiyaning vositachilik harakatlari muvaffaqiyat qozonmasligini anglatadi.
