Metroda hojatxonalar, onalar va bolalar uchun xonalar quriladi
Bunday xonalar 9 ta metro bekatida ochiladi.
Bu haqida "Toshkent metropoliteni" DUK axborot xizmati maʼlum qildi.
Aytilishicha, so‘nggi yillarda yo‘lovchilarga qo‘shimcha qulayliklar yaratish maqsadida Toshkent metropoliteni tomonidan bir qancha tizimli ishlar amalga oshirilmoqda. Jumladan, bundan bir muddat oldin poytaxt metropolitenining “Chilonzor” bekatida sinov tariqasida ona va bola xonasi hamda hojatxona ishga tushirilgan edi.
"Yo‘lovchilar tomonidan ushbu qulaylik iliq kutib olingani va sinov jarayonlari o‘zini oqladi. Shuningdek, boshqa bekatlarga nisbatan yo‘lovchilar bilan gavjum bo‘lgan yana 9 ta metro bekatida ona va bola xonasi hamda hojatxona qurilishi uchun zarur ishlar amalga oshirilishi boshlanmoqda", — deyiladi xabarda.
