Netanyahuning hovlisiga hujum qilindi
Gumonolanuvchi sifatida 3 kishi hibsga olingan.
Isroil bosh vaziri Binyamin Netanyahuning Kesariyadagi qarorgohi hovlisida ikkita portlash yuz berdi. Bu haqida The Times of Israel nashri xabar bermoqda.
Isroil politsiyasi va xavfsizlik kuchlari maʼlumotlariga ko‘ra, ayni paytda qurbonlar haqida maʼlumot yo‘q.
"Bosh vazir Binyamin Netanyahu shaxsiy qarorgohiga otilgan ikkita snaryad uning uy hovlisiga kelib tushdi. Hech qanday zarar yetkazilmagan. Netanyaxu va uning oilasi bu vaqtda uyda bo‘lmagan", deyiladi bosh vazir idorasi bayonotida.
Hozirda gumonolanuvchi sifatida 3 kishi hibsga olingan. Ommaviy axborot vositalariga ko‘ra, ular avvalroq hukumatga qarshi namoyishlarda qatnashgan. Hozirda hodisa yuzasidan tergov harakatlari olib borilmoqda.
