Kosmosdan Yerga kuchli zarba to‘lqini yetib keldi
U juda kuchli reaktiv portlash ortidan yuzaga kelgan.
Britaniyalik astronomlar kuzatuvlar tarixidagi sayyoramizga kosmosdan yetib kelgan eng kuchli zarba to‘lqinlaridan birini qayd etishdi.
Bunga galaktikalardan birining to‘rtta qo‘shnisi bilan to‘qnashuvi sabab bo‘lgan. Bu haqida Qirollik Astronomiya jamiyatining oylik xabarnomalari jurnalida chop etilgan tadqiqotda keltirilgan.
To‘qnashuv bizdan 290 million yorug‘lik yili uzoqlikda joylashgan “Stefan kvinteti” deb nomlangan galaktikalar guruhida sodir bo‘lgan. Astronomlarga ko‘ra, NGC 7318B galaktikalardan biri soatiga 3,2 million kilometr tezlikda to‘qnashib ketib, juda kuchli reaktiv portlash ortidan kuchli zarba to‘lqinini yaratgan.
Olimlar bu hodisani bir-biriga to‘qnashib ketishi mumkin bo‘lgan galaktikalarning murakkab kombinatsiyasini ko‘rish, ularni chuqur ilmiy o‘rganish uchun kamdan-kam imkoniyat deb atashdi.
