Hindistonda o‘lgan odam qayta “tirildi”
Bunga shifokorlarning noto‘g‘ri xulosasi sabab bo‘lgan.
Hindistonning Jxunjxunu shahrida yashovchi fuqaro shifokorlar tomonidan o‘lgan deb topilib, dafn marosimi paytida qayta tirildi. Bu haqida “Times of India” nashri xabar bermoqda.
Nashr maʼlumotlariga ko‘ra, erkak yurak xurujidan so‘ng mahalliy vaqt bilan soat 13.30 da o‘lgan deb eʼlon qilingan. 17:05 ga kelib jasad dafn marosimi uchun topshirilgan.
Urf-odatga ko‘ra, marhumning jasadi yoqib yuborilishidan bir necha soniya oldin u qayta jonlangan.
Hozirda shifokorlarga nisbatan jinoyat ishi qo‘zg‘atilgan. Uch nafar tibbiyot xodim vaqtincha ishdan chetlatilgan.
