Rossiya G‘arb bilan urushga tayyorlanmoqda
Mamlakat Yevropada o‘z taʼsirini kengaytirishi mumkin.
Rossiya G‘arb bilan urushga tayyorlanmoqda. Germaniya Federal razvedka xizmati (BND) prezidenti Bruno Kal shunday fikr bildirdi.
“Rossiya G‘arb davlatlari bilan haqiqiy harbiy to‘qnashuvga tayyorgarlik ko‘rishda davom etmoqda. Biroq bundan oldin NATO aʼzolari o‘rasida tarqoqlik yaratishga harakat qilishi mumkin”, — deya taʼkidladi Kal.
Uning fikriga ko‘ra, Rossiya Federatsiyasi o‘zining keng ko‘lamli hujumi oldidan NATO nizomining mustahkamligini tekshirishga qaratilgan mahalliy miqyosdagi operatsiyalarni amalga oshiradi.
“Rossiyaning yuqori martabali amaldorlari NATO davlatlaridan birida “favqulodda vaziyat” yaratishni ko‘rib chiqmoqda. Bunda alyansning boshqa aʼzolari “tegishli munosabat bildirmaydi. Misol tariqasida, Norvegiyaning Svalbard arxipelagiga ehtimoliy “qisqa muddatli hujum” yoki “mahalliy rusiyzabon ozchiliklarni himoya qilish” bahonasida Boltiqbo‘yi mamlakatlari bilan to‘qnashuvni keltirish mumkin”, — deya aniqlik kiritdi BND rahbari.
Bruno Kalning qayd etishicha, agar bunday mojarolarda NATO Nizomining 5-moddasi qo‘llanilmasa, alyans mudofaa ittifoqi sifatida barbod bo‘ladi.
“Bu Rossiya Federatsiyasi tomonidan ko‘zlangan maqsad hisoblanadi. Agar yordam vaʼdasi samarasiz bo‘lsa, Rossiya tajovuzkor kuch siyosati orqali Yevropada o‘z taʼsirini kengaytirishi mumkin. 2030 yilga borib Rossiya G‘arb davlatlari bilan to‘g‘ridan-to‘g‘ri harbiy qarama-qarshilik uchun yetarli resurslarga ega bo‘lishi mumkin”, — deb ogohlantirdi u.
