CNN: Bashar Asad Damashqni tark etdi
U o‘z farzandlari va rafiqasini Rossiyaga yuborgan.
Amerika telekanali manbalariga ko‘ra, Suriya rahbari hozirda shaharda bo‘lishi mumkin bo‘lgan hech bir joyda topilmagan. Prezident gvardiyasi ham o‘zining doimiy joylashuvini tark etgan va uning ham aniq manzili nomaʼlum, deb xabar bermoqda CNN manbalari.
Bashar Asad maʼmuriyati avvalroq uning mamlakatni tark etgani haqidagi maʼlumotlarni rad etgan edi, biroq uning shu kuni televideniyeda eʼlon qilingan chiqishi amalga oshmagan. The Wall Street Journal nashriga ko‘ra, Asad o‘z farzandlari va rafiqasini Rossiyaga yuborgan.
