“Kechadan boshlab Suriyada yorug‘ davr boshlandi”
Erdog‘an Suriyadagi vaziyat haqida gapirdi.
Turkiya Prezidenti Suriyaning hududiy yaxlitligini himoya qilish muhim shart ekanini va Suriya taqdiri faqatgina suriyaliklar tomonidan hal qilinishi kerakligini bildirdi.
“Kechadan boshlab Suriyada yorug‘ davr boshlandi. Turkiya biron-bir davlatning hududi yoki suverenitetiga daʼvogar emas. Chegara ortidagi amaliyotlarimiz faqat vatanimiz va fuqarolarimizni terrorchilik hujumlaridan himoya qilishga qaratilgan. Kurdiston Ishchilar partiyasi va uning Suriyadagi bo‘linmalari yoki ISHIDga o‘xshash terrorchilar bilan hech qachon muzokara o‘tkazilmaydi.
Suriya barcha dini va mazhablari bilan suriyaliklarga tegishli. Suriyaning hududiy yaxlitligi asosiy shart bo‘lishi kerak. Mamlakat taqdiriga oid qarorlarni ham suriyaliklarning o‘zlari qabul qiladi”, — dedi Erdo‘g‘an Vazirlar Mahkamasi yig‘ilishi ortidan xalqqa qilgan murojaatida.
