Urush davomida 83 mingdan ortiq rossiyalik harbiy halok bo‘lgan
Ularning aksariyat qismi Boshqirdistondan.
"Bi-bi-sining rus xizmati" va “Mediazona” volontyorlar bilan birgalikda urushda halok bo‘lgan harbiylarni sanab chiqishdi. 13 dekabr holatiga ko‘ra, keng ko‘lamli bosqin boshlanganidan buyon jami 83 338 kishining halok bo‘lgani aniqlandi.
"Bi-bi-sining rus xizmati" taʼkidlashicha, halok bo‘lganlar orasida aksariyat qismi Boshqirdistondan bo‘lgan. Unda halok bo‘lgan 3487 nafar boshqiriyalikdan qariyb yarmi urushda ko‘ngillilar safida qatnashgan.
Boshqirdiston 2023 yil yanvaridan beri eng ko‘p yo‘qotishlarga uchragan beshta respublikadan biri bo‘lib, uch oydan buyon bu ro‘yxatni boshqarib kelmoqda. Nashr urushga boradiganlarning asosiy qismi qishloq aholisidan iborat ekanini aniqladi. Boshqirdistonda shartnomani imzolash uchun to‘lanadigan mablag‘ (1,3 million rubl) 2023 yildagi o‘rtacha ish haqidan (46 700 rubl) 27 barobar ko‘p.
