Poyezd yo‘lovchilariga choy, ichimlik suvi, shakar bepul beriladi
Bu bo‘yicha Hukumat qarori qabul qilindi.
“Temir yo‘l transporti sohasida davlat tomonidan tartibga solinadigan va bozor tamoyillari asosida ko‘rsatiladigan xizmatlar ro‘yxatini tasdiqlash to‘g‘risida”gi Hukumat qarori qabul qilindi.
Unga ko‘ra, quyidagilar tasdiqlandi:
-
Temir yo‘l transporti sohasida davlat tomonidan tartibga solinadigan xizmatlar ro‘yxati;
-
Temir yo‘l transporti sohasida bozor tamoyillari asosida ko‘rsatiladigan xizmatlar ro‘yxati;
-
Temir yo‘l transporti sohasida isteʼmolchilarga bepul ko‘rsatiladigan xizmatlar ro‘yxati.
Bunda isteʼmolchilarga aravacha, ona va bola xonasidan foydalanish, kutish zalida Wi-Fi, nogironlar uchun aravachalar, yo‘l davomida choy, ichimlik suvi, shakar bepul taqdim etiladi.
