Zelenskiyning muzokaralar bo‘yicha fikri o‘zgarmoqda
Endi u ko‘proq uzoq muddatli tinchlik haqida gapirmoqda.
Vladimir Zelenskiy Rossiya bilan muzokaralar bo‘yicha o‘z qarashlarini o‘zgartira boshladi. Bu haqida The Washington Post nashri yozmoqda.
“Ukraina prezidenti ilgari muzokaralarni boshlash uchun barcha hududlarni qaytarishni shart qilib qo‘ygan bo‘lsa, endi ko‘proq uzoq muddatli tinchlik va Ukrainaning xavfsizligi haqida gapirmoqda”, deb yozadi gazeta.
Zelenskiy yaqinda Sky News‘ga bergan intervyusida urushning qizg‘in bosqichi Ukraina NATO‘ga aʼzo bo‘lsa, tugashi mumkinligini aytdi. Shu bilan birga, Rossiya nazorati ostidagi hududlar keyinchalik “diplomatik yo‘l” bilan qaytarilishi mumkinligini bildirdi. Bu uning hozirgacha Rossiya Ukrainaning ayrim hududlarini vaqtincha nazorat qilish ehtimolini tan olgan eng aniq bayonotidir.
