Yanvarda anomal sovuq sharoit kutilmayapti
O‘zgidromet yanvar oyi uchun ob-havo prognozini eʼlon qildi.
2025 yil yanvar oyining birinchi yarmida O‘zbekiston hududi bo‘yicha anomal sovuq yoki anomal iliq sharoit kutilmayapti. Bu haqida O‘zgidromet xabar qildi.
Maʼlum qilinishicha, havo harorati yanvar oyi boshi uchun bo‘lgan o‘rtacha ko‘p yillik qiymatlarga yaqin bo‘lib, kechalari -3 daraja sovuq, +2 daraja iliq, kunduz kunlari +3…+8 daraja iliq, shimolda kechalari -3…-8 daraja sovuq, kunduz kunlari 0…+5 daraja iliq bo‘ladi.
Keyinchalik oyning oxirigacha harorat kechalari +3…+8 daraja iliqdan -3…-8 daraja sovuqqacha, shimolda -10…-15 daraja sovuqqacha, kunduz kunlari +10…+15 daraja iliqdan -2 daraja sovuq, +3 daraja iliqqacha o‘zgarib turishi kutilmoqda.
Harorat kechalari -10…-12 daraja, shimolda -17-20 daraja sovuqqacha qisqa davrga pasayishi ehtimoli bor.
Oyning ayrim kunlarida yog‘ingarchilik (yomg‘ir, qor) bo‘lishi kutilmoqda.
