Shahrisabzdagi zapravkada mashina yonib ketdi
Holat yuzasidan FVB maʼlumot berdi.
Qayd etilishicha, bugun 28 dekabr kuni soat 08:45 lar atrofida Shahrisabz shahar Favqulodda vaziyatlar bo‘limiga avtomobil yonayotganligi bo‘yicha xabar kelib tushgan.
Xabarga ko‘ra, voqea joyiga 5 ta yong‘in-qutqaruv bo‘linmasi soat 08:48 da yetib borib, yong‘inni 09:51 da to‘liq o‘chirgan.
Aniqlanishicha, avtomobillarga yoqilg‘i quyish shoxobchasi hovlisida “Zil 130” rusumli avtomobil yongan. Yong‘indan hech kim tan jarohati olmagan, hozirda yong‘in sababi va zarari aniqlanmoqda.
