“Tolibon” Rossiyada “qora ro‘yxat”dan chiqariladi
Putin bu bo‘yicha qonunni imzoladi.
Rossiya prezidenti Vladimir Putin “Tolibon” harakatini terrorchi tashkilotlar ro‘yxatidan chiqarishga ruxsat beruvchi qonunni imzoladi.
Ushbu qonunga ko‘ra, Rossiyada “terrorchi” deb eʼlon qilingan tashkilot faoliyatiga qo‘yilgan taqiqni bosh prokuror yoki uning o‘rinbosarining daʼvosi asosida sud qarori bilan bekor qilish taklif etilmoqda.
Bunday mazmundagi qarorni qabul qilish uchun bunday tashkilot ko‘rsatib o‘tilgan ro‘yxatga kiritilganidan keyin terrorizmni targ‘ib qilish, oqlash va qo‘llab-quvvatlashga qaratilgan faoliyatni amalga oshirishni to‘xtatgani to‘g‘risidagi aniq maʼlumotlar bo‘lishi kerak.
