2025-yilda dunyoda nimalar kutilyapti?
Financial Times o‘z prognozlarini eʼlon qildi.
O‘tgan yili nashrning 22 ta kutilmasidan faqat uchtasi xato chiqqan edi. Financial Times 2025 yilda quyidagilar kutilayotganini bildirdi:
— Ukraina va Rossiya o‘rtasida tinchlik shartnomasi tuziladi. Buning uchun sanksiya bosimi kuchayishi va AQSHning Kiyevga yordami talab etiladi. Zelenskiy xavfsizlik kafolatlari evaziga Rossiyaning bosib olingan hududlar ustidan qonuniy emas, de-fakto nazorat qilishiga rozi bo‘lishi mumkin. Ukrainaning NATO‘ga aʼzoligi dolzarb masala bo‘lib qoladi;
— Tramp yangi tarif urushini boshlaydi. Yil oxirigacha AQSH importining yarmiga kamida 10% bojlar kiritilishi kutilmoqda;
— Bitkoin 200 ming dollarga yetadi;
— AQSHda foiz stavkalari joriy darajada saqlanib qoladi yoki yil oxirigacha yuqoriroq bo‘ladi;
— Emmanuyel Makron Fransiya prezidenti lavozimini saqlab qoladi;
— Xitoy eksport maxsulotlari narxlari pasayishda davom etadi;
— Ilon Mask va Donald Tramp o‘rtasida munosabatlar yomonlashmaydi;
— Germaniya davlat qarzi bo‘yicha cheklovlarni yumshatadi;
— Obligatsiyalar bozori qulamaydi;
— Isroil va AQSH Eronning yadroviy inshootlariga zarba bermaydi;
— Jahon avtomobilsozlik savdosida elektromobillarning ulushi 25 foizdan oshmaydi;
— Xavyer Miley Argentinada valyuta nazoratini bekor qiladi;
— Sudandagi fuqarolar urushi davom etadi;
— Dunyoda kundalik hayotda faol foydalanish mumkin bo‘lgan sunʼiy intellekt vositalari paydo bo‘ladi.
