Qozog‘istondа 40 ga yaqin mashina avariyaga uchradi
Bunga ob-havo yomonlashgani sabab bo‘lgan.
Qozog‘istonning Oqmo‘la viloyati Ostona—Shuchinskiy trassada noqulay ob-havo tufayli 40 ga yaqin avtomobil to‘qnashdi. Bu haqida Tengrinews xabar berdi.
Hodisa soat 13:30 larda Birjansal tumanining Ko‘gam va Qaratal qishlog‘i o‘rtasida yuz bergan. Ob-havo sharoiti yomonlashgani (bo‘ron, ko‘rish cheklangani) sababli 40 ga yaqin avtomashina to‘qnashgan. Jabrlanganlar va qurbonlar haqida hozircha maʼlumot yo‘q.
Voqea joyida politsiya va favqulodda vaziyatlar xizmati xodimlari ishlamoqda. Avtomobillarni evakuatsiya qilish va yo‘l harakati xavfsizligini taʼminlash ishlari olib borilmoqda.
