Ukrainadagi urushda qancha rus harbiysi halok bo‘ldi?
Bu bo‘yicha raqamlar ochiqlandi.
Ukrainadagi urushning uch yili davomida Rossiyaning 6 mingdan ortiq elitali harbiysi halok bo‘lgan. Bu haqida BBC nashri maʼlum qildi.
Aniq raqam — 6083 kishi. Nashrga ko‘ra, bu sohaga eng jangga layoqatli bo‘linmalardan bo‘lgan professional harbiylar kiradi: VDV, dengiz pexotasi, maxsus kuchlar va harbiy uchuvchilar.
2022 yil 1 sentyabrga qadar jurnalistlar elitali bo‘linmalardan 900 nafar harbiyning halok bo‘lganini tasdiqlashga muvaffaq bo‘lishgan.
Halok bo‘lganlarning ko‘pchiligi desantchilar — 3957 kishi. Bu raqamda ham professional harbiylar, ham ixtiyoriylar (419 kishi) va safarbar qilinganlar (253 kishi) bor.
