Mahalla raislarining vakolat muddati uzaytiriladi
Oliy Majlis Qonunchilik palatasida ushbu qonun qabul qilindi.
O‘zbekistonda fuqarolar yig‘ini raisining vakolatlari muddati 3 yildan 5 yilga uzaytirilmoqda. Oliy Majlis Qonunchilik palatasi bu haqdagi qonunni 14 yanvar kuni uchinchi o‘qishda qabul qildi.
Qonunda, shuningdek, fuqarolar yig‘ini raisi vakolatlari muddatidan ilgari tugatilgan taqdirda bo‘shab qolgan o‘rinlarga yangi saylov o‘tkazish orqali yangi raisni ham 5 yilga saylash belgilanmoqda.
Oliy Majlis Senati Kengashi va respublika komissiyasining fuqarolar yig‘ini saylovini o‘tkazish bilan bog‘liq vakolatlari Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar kengashlari hamda hududiy komissiyalarga o‘tkaziladi.
