Bitkoin kursi ilk bor 107 000 dollardan oshdi
Bu kriptovalyuta tarixidagi eng yuqori ko‘rsatkich.
CoinmarketCap portali maʼlumotlariga ko‘ra, hozirda bir bitkoin 107 754 AQSH dollarini tashkil qilmoqda. Bu kriptovalyuta tarixidagi eng yuqori ko‘rsatkich.
Donald Tramp 18 yanvarda ishga tushirgan $TRUMP memkoini hozirda taxminan $60 turadi. Savdolar boshida uning narxi atigi $7 edi. Uning rafiqasi Melaniya Tramp ham o‘z memkoinini ishga tushirdi. $MELANIA virtual tangalari dastlab $7,4 ga sotilgan bo‘lsa, hozirda ular $12 dan qimmatroqqa baholanmoqda.
Tramp saylovoldi kampaniyasi davomida AQSHda kripto sanoatni qo‘llab-quvvatlashga vaʼda bergan edi. Saylovda Tramp g‘alaba qozonganidan so‘ng bitkoin bir necha bor o‘zining tarixiy maksimal qiymatini yangiladi.
