Saida Mirziyoyeva “Rahbar ayollar maktabi” loyihasi ochilishida qatnashdi
“Ishonchim komilki, bu dasturda orttirilgan tajriba va bilimlar bebaho qiymatga ega bo‘ladi”, deydi u.
Kecha, 20 yanvar kuni Prezident yordamchisi Saida Mirziyoyeva davlat rahbarining farmoniga ko‘ra asos solingan “Rahbar ayollar maktabi” o‘quv dasturi to‘rtinchi mavsumining ochilish marosimida ishtirok etdi.
“Ushbu muhim loyiha rivojlanishda davom etayotgani va yuzlab yosh, istiqbolli hamda isteʼdodli ayollar uchun yangi bilim va ko‘nikmalar eshigini ochayotgani juda quvonarli.
Har bir ishtirokchining O‘zbekiston taraqqiyotiga o‘z hissasini qo‘shish, dunyoni yaxshi tomonga o‘zgartira oladigan lider bo‘lish imkoniyati bor.
Ishonchim komilki, bu dasturda orttirilgan tajriba va bilimlar bebaho qiymatga ega bo‘ladi. Mazkur o‘quv jarayoni har bir qatnashchini katta yutuqlar sari undaydigan muhim boshlang‘ich nuqtaga aylansin!”, deb yozdi u o‘zining rasmiy sahifasida.
