Xitoylik ayol mushugi sabab ishdan bo‘shatildi
Mushugi uning nomidan kompaniyaga xat yuborgan.
Xitoyda mushuk tasodifan ish beruvchiga xat yuborib, egasini “ishdan bo‘shatdi”. Bu esa ayolning ishini va yillik mukofotini yo‘qotishiga olib keldi.
Chongqing shahrida yashovchi yigirma besh yoshli ayol yanvar oyi boshida ishdan bo‘shashi to‘g‘risida ariza yozgan, ammo uni yuborishga jurʼat etmagan. Chunki unga to‘qqizta mushukni boqish uchun pul kerak edi. Biroq uning uy hayvonlaridan biri xatni jo‘natishga qaror qildi: xavfsizlik kamerasi mushuk stolga sakrab tushgani va tasodifan noutbukdagi tugmani bosib, xo‘jayiniga xatni yuborgan paytni suratga olgan.
Ayol vaziyatni rahbariga tushuntirishga urinib, aybni mushugiga yukladi, ammo rahbari unga eʼtibor bermadi. Natijada u ishsiz va bu yil 29 yanvarga o‘tar kechasi boshlanadigan bahor bayrami oldidan ko‘plab kompaniyalar to‘laydigan mukofotsiz qoldi.
