Trampning gaplari Janubiy Koreyani g‘azablantirdi
Avvalroq u Shimoliy Koreyani “yadroviy davlat” deb atagandi.
Janubiy Koreya tashqi ishlar vazirligi Trampning Shimoliy Koreya “yadroviy kuch” ekanligi haqidagi so‘zlaridan g‘azablandi.
Janubiy Koreya tashqi ishlar vazirligi AQSH prezidenti Donald Trampning Shimoliy Koreya yadroviy kuch ekanligi haqidagi so‘zlarini qoraladi. Bu Seul va Vashington o‘rtasidagi keyingi munosabatlar haqidagi xavotirni uyg‘otdi.
“Shimoliy Koreyaning yadrosizlanishi xalqaro hamjamiyat, jumladan, Janubiy Koreya va AQSH amal qiladigan doimiy tamoyil bo‘lib qolmoqda”, dedi Janubiy Koreya Tashqi ishlar vazirligi vakili.
Departament Shimoliy Koreyani yadroviy qurolga ega davlat sifatida tan olinmasligi kerakligini taʼkidladi.
O‘tgan yilning noyabr oyida G7 davlatlari tashqi siyosat idoralari rahbarlari Shimoliy Koreyaning raketa sinovlarini qoralab, Pxenyan o‘zining noqonuniy yadroviy va raketa arsenalini doimiy ravishda mustahkamlashda davom etayotganini aytishgandi. G7 davlatlari Pxenyandan yadro qurollari, yadroviy dasturlar, ommaviy qirg‘in qurollari va ballistik raketalar bilan bog‘liq barcha boshqa dasturlardan butunlay voz kechishni talab qilib, Koreya yarimorolini to‘liq yadrosizlantirishga chaqirdi.
Ilgari AQSH Rossiyani yagona teng huquqli “yadroviy dushman” deb atagan edi.
Komila Odilova tayyorladi
