Los-Anjelesda yana yong‘in boshlandi
Shu sabab odamlar evakuatsiya qilinmoqda.
Los-Anjeles okrugi sherifi Robert Luna okrugning 31 ming aholisi majburiy evakuatsiya qilinishi to‘g‘risida xabardor qilinganligini aytdi. Kaliforniya o‘rmon xo‘jaligi va yong‘in xavfsizligi bo‘limining taʼkidlashicha, yong‘in maydoni 37 kvadrat kilometrgacha tarqalgan.
Departament avvalroq Xyuz yong‘ini okrugning 20 kvadrat kilometrdan ortiq hududini qamrab olganini aytgan edi.
7 yanvar kuni Los-Anjeles okrugida boshlangan o‘rmon yong‘inlari shtat tarixidagi eng katta yong‘inlar deb topildi. Rasmiylarning xabarlariga ko‘ra, yong‘inlarning umumiy maydoni 16 ming gektardan oshdi. Kamida 25 kishi halok bo‘ldi. Meteorologlarning taʼkidlashicha, quruq va shamolli ob-havo olovning tez tarqalishiga sabab bo‘lgan.
Komila Odilova tayyorladi
